حمامات السباحة مابين جمال التصميم ومحاكاة الطبيعة الساحرة

حمامات السباحة من أكتر الاماكن اللى بتهون علينا جو الصيف الحار وبتخلينا نقضى وقت مميز مع  كل افراد الاسرة  سواء علشان هو مكان أستجمام فى الاجازة او اننا بنستخدمه للتسلية واللعب مع الاطفال فى باقى الايام .وجود حمام سباحة فى بيتك من الحاجات اللى ممكن تنعكس جدا على نفسية كل الموجودين فى المكان فالمياه عنصر من عناصر الطبيعة الساحرة اللى بمجرد النظر ليها هتديك شعور بالاسترخاء وهتمتص الطاقات السلبية الموجودة فى المكان كمان ليها عامل كبير على تهوية المكان , علشان كده الجلوس امام المسبح هيكون مكانك المفضل لو انت بتقرأ كتاب أو بتتناول وجبة الفطور.

 فى تصميمات المنازل او الفلل اللى بتحتوى على مسبح بيتم تصميم المكان بحيث يكون البناء بالكامل مواجه للمسبح حيث تطل جميع الغرف والبلكونات على المسبح ويمكنك رؤيته بوضوح من غرفتك.تصميمات المسابح دائما يصاحبها تصميم حديقة بجوارها لاضافء جو أكثر جاذبية وجمال ويمكنك استخدام هذا المكان المميز فى العديد من المناسبات الخاصة مثل حفلات الشواء .حمام السباحة شئ ضروري ف مكان عصري و مودرن زي الفيلا مثلا ، و ممكن كمان يتواجد على روف بعض البيوت العادية تحت ظروف خاصة و تجهيزات معينه منعا لضرر المنشأة طبعا ، واكيد في النوادي بحيث ان السباحة ماتكونش بهدف المتعه فقط ، كمان بهدف الرياضة و النشاط.

عشان كده اكيد اختلفت اشكال حمامات السباحة و ديكوراتها واماكن تواجدها لترضى جميع الاذواق على أختلافها بين كل فرد وكل أسرة.و الاضاءة طبعا شئ ضروري في حمام السباحة ، خصوصا بعد غروب الشمس ، بتدي انعكاس هايل والمنظر بيكون جميل ، غير ان اكيد في ناس بتحب الهدوء و الميه بليل ، بالاضاءة و الالوان المختلفة هتقدر تحقق الاسترخاء اللي بتحلم بيه .مين قال انك مش هاتعرف تستمتع بجو الشط و اللعب بالرمل و انت على حمام السباحة؟ اكيد دي ليها متعه خاصة للناس اللي بتحب البحر كمان!

بتقدملك أفكار هتساعدك على تنفيذ تصميمك.

وطبعا ماننساش الامان لاطفالنا و للافراد اللي مش بتعرف تعوم ، عشان كده في كل حمام سباحه لازم يتوافر درجات للعمق ، الطول و العمر ، عشان الكل يقدر يستمتع من غيرحدوث اي ضرر ، وضروري لاي مكان ان يكون في لائحة بتوضح الشروط دي او حتى علامات توضح العمق و الطول المناسب لكل فرد.الheater من الحاجات الاساسية فى حمام السباحة خصوصا لو بتحب تنزل المية فى كل الفصول مش الصيف بس , الheater بيعمل على تدفئة المية بالدرجة المطلوبة واللى بتقع حسب اختيارك وبامكانك استخدامه فى انواع المسابح المختلفة سواء المفتوحة او المغلقة.