عثمان أبو لبن يكشف أن "توأم روحي" مختلف تمامًا من الدراما

قال المخرج المصري عثمان أبو لبن، إن فيلم "توأم روحي" الذي تولى مهمة إخراجه، نوع مختلف تمامًا من الدراما، الذي اعتاد عليها الجمهور.وأضاف أبو لبن: "الفيلم حاجة جديدة ومختلفة.. نوع من الدراما مختلف، الكاتبة أماني التونسي عاملة حدوتة حلوة أوي، وأنا اتشجعت إني أحكي الحدوتة دي".وعن تقديمه أكثر من عمل رومانسي وما إذا كان يفضل هذا النوع من الأفلام، رد عثمان: "أنا ميال للحدوتة الحلوة اللي أقدر احكيها للناس، مش شرط الرومانسية".وبسؤاله عن مشاركة الجميلتين أمينة خليل وعائشة بن أحمد أمام حسن الرداد في الفيلم، قال: "ده نصيبنا إننا نجيب أمينة خليل وعائشة بن أحمد، كنت عاوز اتنين مختلفين عن بعض في العمل، والحمدلله الاتنين وافقوا وده من حظنا".

وواصل: "مكنتش متوقع الإيرادات تبقى كده في أول يوم، بعد أزمة كورونا، بس أنا عارف إن الفيلم هيعجب الناس وقلت ممكن ياخد وقت عقبال ما يعلى بسبب الأحداث والي بيحصل، بس مكنتش أتوقع (البوم) ده".وأكمل: "أنا متخيل إن كل ما حد هيشوف الفيلم كل ما هيحبه أكتر، هياخد وقته وسبحان الله مفيش أفلام تانية نازلة معاه ممكن يكون ده في مصلحة الفيلم".وبسؤاله عن الدراما وإمكانية اتجاهه إليها للإخراج بها، قال: "لو في حدوتة اتعرضت عليا في الدراما وحسيت إني عاوز أحكيها أكيد هعمل كده طبعا".يذكر أن فيلم "توأم روحي" حقق في يومه الرابع بدور العرض السينمائي، أمس الجمعة 21 أغسطس، إيرادات تقُدر بـ630 ألفًا و450 جنيهًا، وجاء إجمالي ما حققه الفيلم في 4 أيام منذ طرحه يوم الثلاثاء 18 أغسطس "مليونا و547 ألفًا و81 جنيهًا".

فيلم "توأم روحي" تأليف أماني التونسي، إخراج عثمان أبو لبن، بطولة حسن الرداد، أمينة خليل، عائشة بن أحمد، ويشهد آخر ظهور للفنانة الراحلة رجاء الجداوي.يذكر أن عثمان أبو لبن أخرج العديد من الأعمال الفنية الناجحة، خاصة في السينما، منها "قصة حب" و"أحلام عمرنا" و"فتح عينيك" و"عمليات خاصة" و"المركب"، وفي الدراما قدم كل من: "مولانا العاشق" و"فيرتيجو" و"المواطن إكس" و"صديق العمر".

قد يهمك ايضا: 

حسن الردّاد يكشف صعوبات "توأم روحي" مع منى الشاذلي