كشف المطرب أحمد فهمي خلال لقائه ببرنامج "بصراحة" المذاع علي قناة "إم بي سي 1"، عن نصيحة والده له قبل وفاته، قائلا :"أبويا توفي وكنت في العقد الثاني ولا يمكنني نسيان مقولته الشهيرة لي طوال الوقت"، متابعًا: "أبويا كان دايما يقولي اقعد اشتغل من قلبك لحد لما يبقي عندك 45 سنة واذا حصل لأي شيء إنك متقدرش تشتغل تكون مكون نفسك بشكل كويس وتقدر تعيش حياتك دون الحاجة لأحد لأن قوتك البدنية وصحتك هتقل بعد الـ45 سنة".

وتابع: "ولدت في عائلة فقيرة، ولدي 5 إخوات بنات وأخين من والدي، وكنا عائلة كبيرة وأبويا كان مرتبه قليل وحياتنا ماشية بصعوبة، وكان ترتيب بين اخواتي قبل الأخيرة، وابويا كان بيجيبلي جزمة مرة واحدة كل سنة، واللى حصل وأنا صغير معمليش عقدة لما اتشهرت وبقيت نجم ومعايا فلوس".واستطرد: "عقدتي الوحيدة دلوقتي في الجزم، أنا أكتر شخص في العالم بيحب يشتري جزم، وافتكر إنى كنت بحاول أجمع مصروفي وأنا صغير علشان أوفر جزمة تانية غير اللى الجزمة اللي أبويا بيجيبهالي"، لافتًا إلي أن المال مهم ولكن يجب استخدامه بشكل صحيح وعدم الإسراف.

قد يهمك أيضــــــــــــــــًا : 

هنا الزاهد تشبه زوجها أحمد فهمي بـ"الكفتة" وحماتها تتدخل

  فهمي يخضع لعملية جراحية جديدة بالمريء في أحد مستشفيات القاهرة