نشب خلاف بين المحامي فريد الديب والإعلامي أحمد موسى، على خلفية وصف الأخير للرئيس الأسبق محمد مرسي بالعمالة . وقال "الديب" في لقاء مع برنامج "على مسؤوليتي" الذي يقدمه "موسى" : "أول من فرط واعتزم أن يفرط في أرض سيناء كان الرئيس محمد مرسي" .. فسأله "موسى" : "بتقول عليه رئيس ليه .. دة ثبت عليه تخابر وعمالة وكل شيء؟" .. فرد "الديب" : "لأنه كان رئيس فعلاً .. لا بقولك ايه .. يا بيه أنت قاعد هنا وفيه قوانين سيادتك خاضع ليها ماضيها الدكتور محمد مرسي .. هتلغيها؟ هتقول لاء دة مش رئيس؟ .. عايزين بس نكون معقولين يا عم أحمد مش كدة".

وأضاف: "كل من تقلد منصب رئيس الجمهورية فهو رئيس جمهورية لازم نتكلم عنه بالأصول .. ولو المحكمة حاتهدينه فهو حتى اللحظة مأدينش إلا في قضية الاتحادية ودة اللي أيدته محكمة النقض .. غير كدة كلها أحكام ليست باتة ميصحش نتكلم كدة .. مش عشان أنا من رجالته يعني ولا من جماعة الإخوان .. عايزين بقى نمشي بالأصول لأن زي ما هنقول عليه هنقول على غيره وغيره .. لما يصدر حكم بات ونهائي يبقى وقتها نتكلم .. طالما صدر حكم ضده في قضية الاتحادية يبقى تقول كدة .. متقوليش عمالة وغيره لكن أنا بقولك بقى إنه سار في هذا الطريق .. والجيش وقفه".