تباينت ردود الأفعال لدى نشطاء موقع التواصل الاجتماعي "توتير" قبل محاكمة الرئيس السابق حسني مبارك، السبت 13 أبريل. ففي حين تعاطف البعض مع مبارك، بالدعاء له بالبراءة، رأى البعض الآخر أن مبارك لابد أن يحاكم على ما فعله.  وقال مازن: "طيبين قوى اللي منتظرين إن محاكمه مبارك هيكون فيها شئ مختلف عن اللي قبلها". قال أحمد فهمي: "أنا عايز مبارك ياخد براءة مش حباً فى مبارك بقدر إظهار الحقيقة والشعب يفوق من الغيبوبة". وقال ادهم "ولا واحد من رموز مبارك ولا من رموز الاخوان مات اللي بيموت بس الشباب الغلابة " وقالت روكا "بمناسبة الحرية, هو أمتي مبارك ياخد براءة ويخرج عشان عيب اللي بيتعمل معاه لأن لا سند قانوني ولا أدلة ولا تحريات عشان يحبسوه" وقال سلامة "لو مبارك طلع براءة المتظاهرين بتوع أسفين يا ريس وحمدين والبرادعي هيطالبو بدخول مرسي مكانه.. وبرضه هيفضل القضاء المصري طاهر ونزيه وشريف". وأضاف عاشور " إذا كانت #الإمارات قد اشترطت تسلم مبارك لرد مليارات الشعب المهربة اليها فلماذا لانسلمه لها ويشبعوا به ؟ مصر وشعبها أولى". وتابعت نورا "اهمدوا بقى اتشفيتم كفايه ومشينا وراكم فى مشروع الدوله الحره المدنيه لما غرقتونا فى دوله اسوء من مبارك ونظامه ومش عارفين تخلصونا منهم". وقالت نهلة "المهم ان التلفزيون حيلم شوية فلوس من النقل للمحاكمة يحلو مشاكل السيولة عندهم في ماسبيرو اهو اي فايدة تطلع من مبارك وخلاص". وأضاف جبر "الرئيس المصري السابق حسني مبارك يصل لمقر أكاديمية الشرطة لحضور حفل افتتاح .. لا،لا .. وإنما لإعادة محاكمته سبحانه يرفع ويخفض ويعزّ ويذلّ".